购物车
-
您的购物车内没有产品！
-
-
简
- EN
- 繁
- 简
娱乐新闻｜萧正楠 曹永廉广州合体开骚 献唱经典金曲反应不俗｜萧正楠｜曹永廉
发布日期: 2025-01-02 | 娱乐热话
萧正楠曹永廉邀黎耀祥现身勾起肥太监回忆 黄翠如安胎分隔两地依然甜到漏 准爸爸萧正楠努力赚奶粉钱，呢日佢孖住好兄弟曹永廉喺广州举行音乐会，全场座无虚席，观众反应不错，二人仲唱咗唔少耳熟能详嘅经典歌曲，默契爆登，合拍度十足！ 呢晚视帝黎耀祥惊喜现身做嘉宾，三人难得合体，勾起当年拍TVB剧集《大太监》嘅回忆，黎耀祥难忘喺横店每晚一齐食饭，佢哋餐餐系咁食羊肉，拍咗个几月即变咗「肥太监」，成个人胀晒咁出嚟，黎耀祥笑指当时身形啱剧情，皆因佢哋喺宫中好食好住。 阿萧同阿廉好感谢黎耀祥百忙之中特登抽时间过嚟站台，阿萧嘅太太黄翠如虽然冇到场，不过阿廉爆佢哋分隔两地依然甜到爆，阿萧出场前仍跟翠如视讯非常甜蜜，阿萧解释暂时唔想太太去人多嘅地方，怕唔小心撞到就唔好。 阿萧同阿廉不时互窒对方，阿廉笑言上年推晒啲男主角，等阿萧有机会攞奖，阿萧反驳话系高层帮佢推咗，阿廉笑阿萧今年未能冲击视帝，入男配角系好事，似乎机会更加高，而阿萧就恨同太太一齐攞奖，到时三喜临门！
