娱乐新闻｜男女飞跃进步最后十强记招，陈晓华 戴祖仪对奖项有共识｜陈晓华｜戴祖仪｜陈懿德｜陈桢怡｜傅嘉莉｜罗毓仪｜关嘉敏｜郑衍峰｜孔德贤｜阮浩棕｜陈浚霆｜周吉佩｜林景程

《万千星辉颁奖典礼2024》举行在即，各个奖项嘅观众投票环节亦进入最后倒数，男、女飞跃进步奖嘅最后十强入围者，呢日就亮相记者会为自己作最后拉票。 入围「飞踊进步女艺员」常客 陈晓华Hera 同 戴祖仪，就话对得奖名单达成共识，Hera又分享自己当年选华姐时，系用Joey嘅一首歌嚟做表演，所以佢系特别欣赏对方嘅歌曲，而身旁嘅陈懿德就就指Hera系实至名归，所以对方拎女飞跃嘅话大家都会心服口服。Joey更即场安排大家可以拎咩奖，但当点到一齐做访问嘅陈桢怡时，佢就笑指对方要等下年，众人即起哄，就话当晚陈桢怡可以拎最佳衣着奖。 另一位入围经验丰富嘅 傅嘉莉Kelly ，就开到声话恨攞奖嚟贺自己嘅40岁生日；关嘉敏则指日子越嚟越近，佢先开始有紧张嘅感觉，亦希望有机会可以上台拎奖。罗毓仪就指自己夺奖嘅信心偏低，指入围十强兼可以参加呢个庆典，佢已经好开心喇。 孔德贤同郑衍峰都已经系第4次提名「飞踊进步男艺员」，不过相比起夺奖，佢两个就希望有多啲工作机会；而阮浩棕就自己已经入行11年，好多事都已经睇淡咗，所以都系以平常心去看待。 十强入围者中资历最深嘅林景程，同连续两年入围嘅周吉佩，两人对于攞奖都好谦虚，吉吉仲话自己目标摆喺「最佳电视歌曲」上，仲即场拉票叫支持佢嘅人都投喺《飞常日志》呢首歌上，同时又指如果有机会嘅话都想演戏，而身旁嘅陈浚霆即刻开口叫吉吉加入《爱．回家》嘅大家庭，至于问到入行10年嘅陈浚霆对攞奖有冇信心？佢就话开心得到大家嘅肯定，不过就笑言自己似系去观礼顺道去旅行呀。