在家宴客50道菜｜龚嘉欣透露难忘炮制两道菜 拜邵德龙师傅为师有原因

由龚嘉欣主持的《在家宴客50道菜》现正热播中，当中更有四大名厨及两位入屋度极高的「教煮」李家鼎及肥妈，轮流上阵教家庭观众烹煮特色宴客菜及传授个中秘技。

早前嘉欣在节目中「斩鸡」动作干净、熟练大展功架，表现有板有眼，获不少观众赞她「入得厨房，出得厅堂」。

而且，不但大厨赞其领悟力高，就连鼎爷也赞她用心学煮记低步骤，嘉欣更拜了名厨邵德龙为师傅，相信厨艺会更上一层楼。

其实嘉欣向来喜欢下厨，不论做菜、煲汤、做甜品也难她不倒，近年她更进军饮食业，除开设蛋糕店，又加盟饮食集团学做生意，亲自落手落脚参与餐厅管理，升呢做「企业女强人」。

对于首次担任饮食节目主持的嘉欣接受TVB.COM访问，自言最初以为只是用一个嘉宾身份参与：「我初头唔知系同鼎爷、肥妈仲有几位嘅名厨一齐煮嘢食，所以之后知道后都有啲压力畀咗自己，都谂紧点样做好啲。」

不过嘉欣直言很快调整心态：「我同自己讲唔使谂咁多，因为作为平时一个钟意煮嘢食，但又唔系好叻嘅人，就用一个钟意煮嘢食嘅角度去问几位嘅名厨同鼎爷肥妈，煮每一个餸嘅方法，呢个都系我由心而发想去了解同知嘅嘢。」

她又指今次参与此节目，十分感恩能让观众看到自己不同的一面：「以前喺饮食节目主要系做嘉宾，都会煮下嘢食分享下，但今次就系真真正正做一个主持， 自己嚟紧都想做多啲嘅尝试，畀大家睇到唔一样嘅我。」

谈到在节目中有何难忘的菜式，嘉欣说：「我觉得系鼎爷个盘龙鳝，看似一道好难煮嘅餸，阿爷就教咗个剁豆豉嘅秘诀点样令到个豆豉香啲，令我发现原来个盘龙鳝系咁易整，但整出来大家都觉得好有睇头，所以之后我都会尝试整呢味餸。」

她续说：「另一道系帜哥嘅鱼汤，佢嘅做法系三煎三滚，佢教我哋先用陈皮蒸咗条鱼仲要系用鲮鱼，然后再煎 『𤓎水』隔渣后又再摆番啲鱼骨鱼肉再煎再『𤓎』番个汤，呢个过程重复做三次，用嘅时间唔系多过平时好多，但我觉得几好同埋真系饮到个汤嘅味道系一次比一次香浓。」

另外，今次与4位名厨合作，邵德龙师傅又收了其做徒弟，嘉欣指与他们建立了良好关系，稍后更相约一起吃饭交流下厨心得：「我都有同邵德龙师傅讲系认真想厨得一手好菜，唔系为咗边个而系为咗自己。」