娱乐新闻｜《奔跑吧! 勇敢的女人们》宣传，花车途经之处反应热烈｜奔跑吧! 勇敢的女人们｜萧正楠｜吴若希｜邓智坚｜黄滢仴

萧正楠 吴若希 联同一众《奔跑吧！勇敢的女人们》嘅演员喺电视城出发，坐开蓬巴士四出宣传，佢哋途经嘅地方，唔只系街上途人，就连大厦上嘅市民都相当雀跃同众演员挥手打招呼，而阿萧亦摆出心心手势回应大家，落地后又亲自派礼物同签名影相，答谢大家支持。 Jinny话以前大家都系以「越难越爱」嚟称呼佢，但自剧集播出后，大家都改口叫佢做「林小姐」同「林采琳」，令佢大感意外，估唔到个角色咁入屋，Jinny又话好多观众都问佢剧情，最多嘅就系问佢几时先发现剧中老公萧正楠出轨，又话好想佢快啲黑化作出反击。 萧正楠近日就忙于同太太黄翠如执屋，佢仲自爆因为屋企将会多一位成员入住而惊惶失措，当大家都以为佢讲嘅新成员系翠如肚入面嘅BB时，萧正楠先知大家误会，解释指嚟紧将会有一位外佣姐姐入住，令原本一直以嚟都系过二人世界嘅佢哋，担心唔知点同外佣姐姐相处。 嚟紧19号就会举行《万千星辉颁奖典礼2024》，萧正楠就话要睇下翠如当日嘅状态先知对方会唔会一同到澳门出席，同时萧正楠又感谢Jinny呢段时间一直为翠如拉票，Jinny就话如果颁奖典礼当晚，萧正楠可以同太太黄翠如同埋BB一齐上台攞奖，成件事系相当开心，所以就出力帮翠如拉票呀。 演出经验丰富嘅邓智坚，原来系第一次喺TVB嘅剧集中有感情线，不过佢话可惜系条单程路单恋赖慰玲，至于呢条单程路有冇结果，阿坚就话要睇嚟紧几集赖慰玲嘅决定。而曾跟邓智坚学谢嘅黄滢仴，就指同对方喺同一套剧集中演出都有啲压力，希望自己嘅表现喺对方眼中可以过关。