购物车
-
您的购物车内没有产品！
-
-
简
- EN
- 繁
- 简
陈晓华分享胞兄婚前派对靓相，送上祝福满满！
发布日期: 2025-03-06 | 娱乐热话
陈晓华啱啱先从日本旅行返嚟，昨日（5日）又喺IG分享一辑婚前派对靓相，原来佢嘅胞兄即将结婚！佢同未来嫂嫂识咗多年，两个仲系好闺密，依家正式成为一家人，当然要开心庆祝一番！
派对以公主主题为重心，见到陈晓华嫂嫂戴住闪闪发亮嘅皇冠，加埋「BRIDE TO BE」彩带，满满新娘气息，而陈晓华就喺侧边贴住嫂嫂影合照，两人脸贴脸，场面超温馨！当日佢激罕以大露背吊带裙登场，再加埋嫂嫂一齐大骚逆天长腿，索爆全场！另外，粉红色毛毛外套更加突显佢可爱又少女心嘅一面，仙气满满！
佢亦留言送上真挚祝福：「My Princess，为钟意嘅人准备嘢系一件幸福嘅事，仲好庆幸人生中遇到冇血缘但好钟意嘅人，眨吓眼已经11年，唔多讲，感激你一直喺身边陪住我，见到你开心，我就开心。」同时亦向胞兄嫂嫂送上温馨祝福：「和我的好哥哥，好好相亲相爱。」
而嫂嫂都回应得好感性：「谂起我哋无数个又笑又喊嘅晚上，以后有你有我，继续做你肚入边嘅虫虫，Love you so much。」两姊妹般嘅深厚情谊，睇到网民都忍唔住感动！
原文刊登于
TVB.COM
