《夺命提示》刘颖旋展现最强Body

发布日期: 2025-03-16 | 娱乐热话

明天（17日）正式开播的《夺命提示》，除了剧集一开始即展开首宗充满悬疑感的「女UC失踪案件」，还是「第一代最强Body」掌门人、被誉为「TVB最正小花」的刘颖旋（Tiffany）施展浑身解数的晒冷战场。

今日无线（TVB）官方社交网将先后发放Tiffany的两批福利照，分别是甜美VS泪眼汪汪的仙气婚照以及一件头泳衣照，360度全方位展示Tiffany最强Body 3.0的美态。「最强Body 3.0」比之前《隐形战队》的2.0更胜一筹，Tiffany今次不但操出完美蛇腰，还展现了结实有致的背肌及腹肌。

Tiffany接受访问时表示：「我都觉得拍《夺命》嗰时，可能系我人生中最弗嘅。一来可能之前拍《隐形战队》时操开咗，自己周不时都有跑吓步同做Workout Keep吓。我自己都期望今次可以再弗啲同扎实啲，因为我想观众睇落去可以唔同啲。首先饮食方面，我系由自己好似平时咁食，低糖低盐低油嘅同时系会食番淀粉，可能营养吸收好咗，所以效果都会好啲啲。同埋《夺命》应该系我拍过咁多套剧打斗最多嘅，变相拍嘅时候都有锻炼住，令到我都Keep得更好。仲有如果真系遇着啲要超级露腰嘅场口，我会早两日开始饮少啲水同食少啲淀粉。」