购物车
-
您的购物车内没有产品！
-
-
简
- EN
- 繁
- 简
StarTalk｜张家辉拍戏执迷极限演出满足感 演又导盼为观众呈现特别作品
发布日期: 2024-10-04 | 懒人包
张家辉 为电影演出可以话不惜一切，好似当年嘅全身肌肉封面已经令人至今津津乐道，最近佢又为新片作极限挑战，呢日佢接受 王镇泉 《StarTalk》访问时，就指自己由头打到尾，直头系挑战极限。 自言对动作戏去到执迷程度嘅家辉，对每次完成困难动作同打斗场面后，见到成品嘅满足感，会对拍摄时嘅艰辛忘记得一乾二净，仲坦白一直有挑战更强更劲场面嘅欲望，就算年龄渐长都未有令自己退避。 打斗自然会有受伤可能，拍摄《激战》时手指受伤，就令佢反复琢磨意外成因，仲搞笑话讲动作戏丹爷 甄子丹 都只系仅仅追贴自己喎。 当年佢拍摄大量剧集，日夜颠倒赶拍虽然非常辛苦，但系见证住全剧演员齐齐迈向更好发展，就可以话攰并快乐着，就算冇得瞓都乐在其中。 近年家辉演而优则导，佢仲特别认为拍摄非主流嘅题材，觉得可以俾观众有更多选择，佢执导兼扮演精神病患者嘅新作，就系自己储存到一定程度冲动之下，爆发而出嘅产品，希望大家可以有唔系倒模嘅电影可以欣赏。
