全城瞩目嘅大型歌唱真人骚《中年好声音3》

《中年好声音3》140位唱将正式登场 师兄师姐精选心水

全城瞩目嘅大型歌唱真人骚《中年好声音3》，今年共吸引超过6000名热爱唱歌嘅朋友报名，经过多场海选，140位唱将正式登场，呢日香港赛区100强，再加上新马赛区同大湾区赛区，各自20强嘅选手，齐集亮相会见传媒，场面盛大。

多位中一中二嘅师兄师姐，亦都现身记招以示支持，连日嚟一班师兄师姐都有留意海选，支喾仪话《Super Senior》嘅团队，绝对系振奋人心，尤其呢个年纪仲有呢份热诚，真系非常值得欣赏。颜米羔就话对Choco陈静雯印象深刻，佢话觉得对方系一位充满灵性嘅歌者，但又不擅于表达自己，所以米羔都期待呢个比赛，可以令佢蜕变。Venus所讲嘅《Super Senior》组别当中，最年长选手就系年届80岁嘅罗秀兰以及区瑞强嘅胞弟，年届65岁嘅区瑞明亦都顺利入围，罗秀兰话自己经常保持心境开朗，加上热爱唱歌，所以即使80岁都无老态，区瑞明就话哥哥之前已经对佢入围有信心，仲话会绝对支持佢呀。

至于陈俞霏同沈宗贤当然各自特别关注嚟自大湾区同新马赛区嘅选手，新马赛区嘅20位嘅入围者，亦都紧接要录像节目出战，节目《中年好声音3之决战新马》9月1号将会播出，沈宗贤仲即场传授减压技巧比参赛者，至于俞霏就话会帮大湾区选手出谋，特别系造型衣着同歌曲方面。喺最后一轮海选中，为咗天上嘅囡囡而参赛嘅何家豪亦都有入围，桃爸话好感激囡囡同学嘅家长，纷纷为佢送上鼓励同支持。至于同老公一齐报名嘅视障人士朱丽萍，收到入围通知时都喜出望外。入围者亦不乏曾经出道、希望再续歌手梦嘅朋友，好似现职纹绣师钟凯莹、曾经同歌手刘以达组成乐队嘅佢，因为失聪嘅爸爸而参加，而前男团Square成员赵浚承，希望透过参赛再进步自己嘅歌艺。

#中年好声音3 #140强 #香港 #大湾区 #新马 #赛区 #supersenior #颜米羔 #支支喾仪 #陈静雯 #罗秀兰 #区瑞明 #陈俞霏 #沈宗贤 #中年好声音3之决战新马 #何家豪 #朱丽萍 #钟凯莹 #前男团Square #赵浚承