购物车
-
您的购物车内没有产品！
-
-
简
- EN
- 繁
- 简
《正义女神》乐珈嘉为拍番外篇剪短头发 重现「邱天雪」
发布日期: 2026-04-09 | 娱乐热话
《正义女神》而家热播中！剧入面除咗有视后畲诗曼，仲有陈炜、谭耀文同已故艺人许绍雄等一众好戏之人，上演精彩绝伦嘅对手戏；而一班新生代演员嘅表现同样相当抢焦。好似饰演畲诗曼继女「邱天雪」嘅乐珈嘉，早前官方释出嘅「少年犯罪」海报入面见到佢块面有多处伤痕，唔单止引爆网民好奇心，仲有唔少人留言撑佢。
一向同网民互动得好密嘅乐珈嘉，日前喺社交网上载咗条短片，原来系为咗拍摄《正义女神》番外篇，要重现「邱天雪」造型，所以一刀剪走留咗年半嘅长发。
乐珈嘉喺帖文写道：「拍2日前留长年半嘅头发👀其实短头发好似都几啱我？！」对于辛辛苦苦先留长嘅头发，佢一开始都有啲舍不得；但当发型师帮佢剪走一边长发之后，佢就接过铰剪，好爽手剪埋另一半。见到自己重现邱天雪嘅造型，佢开心讲：「即刻觉得邱天雪返返嚟」！唔少网民都大赞佢新造型：「短头发仲靓」、「邱天雪welcome back」、「两个都很喜欢」。
相片来源: 乐珈嘉IG
点击这里下载 TVBAnywhere+ 应用程式，马来西亚丶新加坡和其他海外观众一个 App 就能看到 TVB 最新电视剧、经典港剧、综艺娱乐和娱乐资讯。网页版同样可以在线观看。点击这里查看服务计划，或者马上注册观看免费内容。
原文刊登于
TVB.COM
