《中年好声音4》蔡宓婕吴亦伟MVP强强连手合唱《执迷不悔》宓婕直言有1原因唔想同佢合唱

发布日期: 2026-04-23 | 娱乐热话

《中年好声音4》本周日（26日）播映「快慢二重奏」，上半场由20强组成双人队进行慢歌对决。今集焦点落喺上回合勇夺MVP的蔡宓婕，佢同同样攞过MVP的吴亦伟强强连手，合唱《执迷不悔》嘅粤语同普通话版本。

赛前两人接受访问，宓婕笑言自己其实有一个原因唔想同吴亦伟合唱。佢话以前两人于团战合作时，夹Key好难夹，心里都高呼：「今次又系咁，点解会咁嘅？」亦伟则指大家定Key位定咗好多次，练歌过程终于明白宓婕点解会被称为「老虎乸」。他仲提到宓婕老公曾睇佢哋练习，宓婕当时问老公觉得自己唱得如何，老公皱眉后宓婕就嬲爆话：「你给我什么脸？不然你给我出去！」不过宓婕否认自己系「老虎乸」，强调自己其实有温柔一面。

两位唱将喺台上演绎《执迷不悔》时，肥妈就用「鲍鱼鸡煲」形容两人演出。谷娅溦赞宓婕的中低音色很厚，而周国丰则讲到《执迷不悔》最难表达就系「态度」，睇吓宓婕同亦伟嘅「态度」可唔可以打动出名「冷血」的周国丰。