痞子無間道｜韋家雄三太「波波」黃婧靈親揭新劇變靚變瘦之謎 升呢註冊催眠治療師仍續進修只因一個心願

出名人物多多兼各有特色的《痞子無間道》，昨晚般鬥（韋家雄飾）「四大花面老婆」—「獨眼大夫人」史貞（葉凱茵飾）、「跛腳二夫人」廖蚊（李芷晴飾）、「斷臂三夫人」林渚（黃婧靈波波飾），及「大肚」四夫人白箋（寶珮如飾）再度出場，並使出真‧功夫對付費仁（周嘉洛飾）及潔姨（車婉婉飾）。

正如李芷晴之前透露，四位夫人受傷的地方，正是四人武功最高強的地方；昨晚一幕所見，「二夫人」芷晴的功夫在四位夫人之中最為突出，除了要長期拿著超大型拐杖表演單腳企功架外，一招「金剛腿旋風」更盡顯腰力、腹肌力量及平衡力，無負13級中國舞專業水平。原來芷晴昨晚手持的拐杖全個均以實木打造，非常之重。芷晴接受tvb.com訪問時坦言拿著拐杖拍戲，感覺猶如拿著啞鈴鍛煉手臂一樣，並笑言原來隨身拐杖唔止一支：「我有兩支柺杖㗎，如果着返平時嗰套衫嘅時候，支拐杖係有繡花嘅，另一支係打交專用。」劇組事後透露該支「打戲拐杖」重量大約為4kg左右，要單手舉起長時間絕非易事。

至於出拳有風的「三夫人」波波，除了凌厲眼神夠晒強勁，身形及顏值亦相當搶焦。有網民發現，波波除了顏值有所提升，就連身形亦纖瘦了不少，大讚她靚咗。對此波波接受TVB.COM訪問時坦言很開心，並直指有為劇集努力減肥，更因努力做運動一度練出小蠻腰，波波說：「嗰時keep住一星期做四、五日運動，食得好清，因為我知本身有啲肉地，著古裝未必夠好睇，所以都減咗好多，我冇實際磅自己瘦咗幾多，但就練到條腰有線條。同埋拍嗰陣其實超級熱，著住古裝好易出汗，都有少少焗桑拿嘅成份。」波波又謙稱能夠被指變靚啲，是整個劇組嘅功勞：「要多謝導演同監製同所有幕後同事。」

2021及22年曾連續兩年提名萬千星輝頒獎典禮飛躍進步女藝員的波波，近年除了幕前工作，還額外進修了催眠治療，並於去年獲得了註冊催眠治療師牌，相當厲害。雖然已持有四張相關證書，但波波坦言現在還在進修階段，皆因她想自己能以更加好的狀態迎接將來更多的挑戰，相當正能量！波波續指身心健康是非常重要的事情，並自己能夠借助新知識幫到更多有需要的人。