83歲蔡瀾出院近照曝光！身體一處引網民關注，豪送30萬普洱招呼朋友

83歲嘅蔡瀾上個月底傳身體出咗問題要入醫院，仲話情況一度轉差，要入ICU觀察。之後蔡瀾嘅秘書就覆傳媒話蔡瀾只係因為啲老毛病入院：「老毛病休息吓就好，冇乜大礙嘅，唔使擔心。」之後蔡瀾都喺社交平台報平安：「多謝大家關心，未至於病危，請唔使擔心。一笑」

呢排休養緊嘅蔡瀾，有網民喺網上曬咗探佢嘅相，仲獲對方請飲30萬嘅普洱同埋送咗份珍貴禮物：「去蔡瀾先生豪宅，飲佢嘅三十萬普洱！簽咗幾本圖書之後，蔡先生仲送我禮物，呢個印有『佛』嘅布袋，簽上食神之名都唔捨得用！」

相入面見到蔡瀾精神都算唔錯，喺鏡頭面前神態自若、處之泰然，令大家放低心頭大石。但都有人留意到蔡瀾對腳有啲浮腫，網民都話：「突然感覺蔡先生老邁咗！」、「掛住佢，好欣賞佢活得通透。」、「最緊要身體健康」。

蔡瀾同金庸、倪匡、黃霑曾經齊名香港四大才子，不過其中三位都已經走咗，依家淨返蔡瀾一個。對於生死，一早睇化嘅蔡瀾亦都唔會避忌講死亡。佢曾經接受訪問話自己識嘅老友已經愈嚟愈少，希望自己喺唔知唔覺嘅情況下走，仲話自己揀喺香港過埋最後一程人生。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。