《中年好聲音4》姚兵清唱「跳崖歌」30秒震撼全場 吳亦偉改編《我愛你》讚「全能ACE」

《中年好聲音4》將於本周日（19日）晚播映「團隊搶分戰」下半場，對戰為：「尤淑情隊」VS「吳亦偉隊」。

姚兵突破「穩陣」選唱《懸崖》：開首清唱30秒震撼全場

今集焦點之一係「尤淑情隊」的姚兵。姚兵賽前表示，今次想突破自己、打破以往偏「穩陣」嘅作風，所以上演難度被形容為「跳崖歌」的《懸崖》。

一開場，姚兵更直接清唱超過30秒，震撼全場。主持車婉婉就即刻讚佢大膽，勇於新嘗試。

同場，出名「冷血」嘅周國豐亦對姚兵讚賞有加，稱其唱出嘅係臨跳崖前肝腸寸斷嘅感覺；而張佳添亦笑言自己「Feel到」姚兵好似唱出咗中年男士嘅危機感。

吳亦偉改編《我愛你》：再次獲讚「全能ACE」

至於吳亦偉作為音樂人演繹盧廣仲歌曲《我愛你》。他今次唔止唱，更重新改編，唱出屬於自己版本嘅《我愛你》。

吳亦偉亦透露，今次係第一次做隊長，選唱呢首歌係想送畀隊友，因為見到大家一齊進步，令佢感到好開心。

評審方面，谷婭溦再次大讚吳亦偉，指佢能寫、能編、能唱，仲能表演，稱佢係《中1》至《中4》以來第一個「全能ACE」。

相片來源: 《中年好聲音4》

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。