何依婷被前度追2.6萬掟煲費 霸氣開3萬蚊Cheque叫對方即刻走

《夫妻肺片》今晚（10日）播出的《夫妻肺片》「星級人夫人妻」嘉賓繼續有何依婷、莊思敏、支嚳儀（支支）、周吉佩（吉吉）、譚輝智同4位主持。

支支大讚依婷開Cheque掟煲「好型」

女子組講起前度回憶相當兩極，既有窩心舉動，亦有令人聽到都O嘴的超渣行為！當中以何依婷最震撼！她透露自己曾經提出分手後，被前度追討「掟包費」，即時令在場女嘉賓齊齊嘩然：「吓？！」莊思敏即刻追問：「佢係咪想用呢個數留住你？」依婷聽到後激動回應：「但女人聽到呢吓就會著火咯！跟住我冇咁多現金嘛，我走去間房（事發地點係依婷屋企）攞本支票簿出嚟，嗰個係一個2萬6千蚊嘅手袋，我寫咗3萬蚊畀佢，話唔使找，你即刻同我走。」依婷呢個霸氣舉動，亦令支支投以「尊敬眼神」，仲直言：「你好型呀！」

至於被封為「鱷魚頭老襯底No.1」的莊思敏，就自揭曾經接過第三者打嚟的示威電話，內容係：「不如你放手啦！」更令人震驚嘅係，呢位小三仲同佢前度租咗一個小安樂窩密會，而當中按金竟然係小三向莊思敏借嘅錢，令全場女士再次嘩然，仲即刻追問：「Friend嚟㗎？」莊思敏就淡定回應：「係我個女仔Friend嚟。」由於事情實在太離奇，嚇到「定晒格」的依婷都忍唔住問：「你（會）借錢畀佢，都好熟喎其實。」

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。