《飛常日誌II》周嘉洛首度合體馬國明！秒變追星迷弟　戲內外互相崇拜

《飛常日誌II》今晚（15日）首播。周嘉洛飾演機場見習行政人員，特別醒目之餘，更非常崇拜馬國明；當他成為「師傅」的徒弟，整個形象都化身「追星迷弟」，相當可愛。

劇中，楊尚偉（馬國明飾）將升職為客運大樓及旅客體驗總經理，但程日飛（周嘉洛飾）一直都好崇拜對方，甚至希望尚偉帶埋自己一齊調去新部門工作。程日飛得悉師傅離開後悶悶不樂，於是向關宇安（吳偉豪飾）吐露不滿：「我收到風，我要跟阿George，George同我師傅根本唔同級，有咩資格做我阿頭。」又表示：「如果我可以繼續跟師傅，機管局爭住留低我添！」而且更有一套「徒弟計劃」：「我知道師傅係想帶埋我走，但佢唔好意思開聲，咁我做徒弟主動少少畀埋知下台階佢，咁就好辦事啦」。

宇安則回應：「飛哥你係實習生嚟，麻煩你放低你所謂嘅高傲，唔好睇唔起你啲上司啦」。

其後日飛向尚偉講出心底話：「師傅你冇諗過帶埋我走嘅咩？總經理出到去冇一個幫得你手嘅人喺身邊，咁點似樣呀？不如你同HR講你想帶埋我走。」但尚偉即時解釋：「MT為期3年嘅實習期，係想你去唔同嘅部門崗位了解機場嘅運作，你入嚟唔夠一年就想走。一年就一年，規矩就係規矩，冇得改。」最終成功落閘，令日飛計劃受挫。

不少網民亦留言大讚嘉洛今次角色夠醒目又有活力，甚至笑指他與馬明的對手戲好正。

今次首度與馬國明合作的周嘉洛接受tvb.com獨家訪問，對對方有讚無彈。他表示馬明係一個「有善又平易近人」的演員，相處起來非常舒服，對工作亦專業，故此合作體驗非常好。周嘉洛亦提到：「言談間都會聽到佢成日提起老婆」，感覺兩人關係甜蜜，令人羨慕。

至於戲中，嘉洛非常崇拜馬明這位師傅；戲外，嘉洛則直言視對方為目標：「我一樣咁崇拜佢，都會幻想自己可以成為好似佢咁樣嘅前輩，人緣好、態度好、同任何台前幕後都相處融洽，而且生活簡單得嚟又滋潤，簡直係我嘅目標。」

相片來源: 《飛常日誌II》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。