异空感应大结局｜阮浩棕感恩Duncan获认可 望无负「上等孙」之名 喜获爸爸开腔赞赏：个仔终于识做戏

《异空感应》本周杀入结局周，昨晚播毕第21集后，观众及网民对于身世可怜的Duncan是生是死大表紧张，Duncan最终会否壮烈犠牲，今晚一集自有分晓！由Big Boss最大嫌疑人，到摇身一变成为自告奋勇的缉凶者，Duncan一直成功牵动网民情绪及神经；谈到角色成功入屋，饰演Duncan的阮浩棕大表感恩，并谦称自己「尚有很多进步空间」。

阮浩棕透露，近日无论出街或是坐车，多了不少市民跟他热情打招呼：「多咗好多人叫我Duncan，同埋问我之后嘅剧情，真系非常开心。」问到会否因而增强了在颁奖礼勇夺男配或男飞跃的信心，阮浩棕说：「好坦白讲，攞奖我冇乜特别大信心，一来想保持平常心，二来竞争真系非常激烈。获奖项系紧要，但更加重要系观众嘅喜爱，同埋希望大家觉得我系实致名归，而唔系德不配位。」

问到之前曾遭爸爸阮惠源批评戏屎的阮浩棕，对阮浩棕这次在《异空》的表现有何评价时，阮浩棕开心谓：「我爸爸今次真系有赞我喇，佢睇咗我演出话我做得好，同我讲话：『个仔终于识做戏喇』。」之前曾表示希望搣甩「上等人个孙」称号的阮浩棕，坦言今时今日有了新的想法，并谓只希望能对得住这个身份：「我依家冇谂太多喇，当然以前会唔想人哋净系记得我呢个身份，反而依家接受咗。最近《异空》出街，好多人认识咗Duncan，亦因为呢个角色认识到阮浩棕，但到最后好多人都系叫番我『上等孙』。呢一刻我会为呢个身份自豪，亦觉得更加想要对得住呢个身份；嫲嫲在生时成日赞我做得好，好想对得住佢嘅赞赏。」

阮浩棕又坦言「星三代」身份有辣有唔辣：「呢个身份系易畀人认识嘅，但如果未准备好而去接受呢啲机会，其实会有影响，呢行好多时机会都系一把握唔到就转眼即逝。同埋呢个身份容易令大众会觉得我依靠关系，而唔系靠努力。亦因为咁，呢个身份逼使到我更加要努力去做好，唔好辜负嫲嫲或者爸爸，对我嚟讲系另类嘅鞭策。」

谈到11年的演艺生涯，阮浩棕坦言并不容易，并以「一步一脚印」形容：「我都真系去到上年先正式透过作品畀大家认识到我呢个演员。呢11年有好多苦真系自己先知，我其实都系由艺训班开始做起，有演过路人甲，亦试过半年冇嘢做、冇工开，在内地发展时亦试过被压价。「我喺入行头嗰七、八年，其实一直都系低潮位，系辛酸嘅，但冇一个话特别特别辛酸嘅例子，因为整体都系谷底下嘅感觉。呢啲真系自己先知，所以我会形容我系捱番嚟。」入行初期，阮浩棕一度被调往儿童组发展，可惜即使他如何努力、幕后同事如何力撑他，成绩依然不此预期，令阮浩棕一度大感心灰：「当时就算几努力，都真系得唔到小朋友好大嘅喜爱。但好彩森美大哥有开导我，佢教我做主持最重要系带到价值畀个节目，有时要百厌少少先跳出到框框，亦都系佢帮我渡