万千星辉颁奖典礼2024｜陈懿德发长文感恩做司仪兼夺「最佳女新人」 郑衍峰江嘉敏争做「好朋友」

陈懿德在日前（19日）举行的《万千星辉颁奖典礼2024》担任开场司仪，表现得到观众高度赞赏，而当晚她更夺得「最佳女新人」荣誉，令她相当激动。值得留意的是，德德专登在台上多谢了一位「好朋友」，并随即引起热议，大家纷纷猜测这位「好朋友」究竟是谁。

德德近日在IG分享花絮，并发长文分享当日感受，不少圈中好友如郑衍峰、江嘉敏亦搞笑留言，争做德德的这位「好朋友」。

全文如下：

「第一次参加颁奖典礼系东张主持

今次可以做到大会司仪 真系好开心

呢个系我最大嘅奖😭

一开始听到自己要一个人做呢个show嘅时候其实好怀疑呢件事系咪真 亦都好怀疑自己系咪值得/系咪能够胜任呢个show

毕竟我都系2024的3、4月先开始做司仪

但我只可以用我最大嘅努力、最好嘅一面去答谢呢个机会💕

呢个月真系用尽所有时间 闭关做功课

2倍速去睇哂所有入围剧集 试过两日睇哂25集😂

抄低大家讲过咩深刻对白 同睇哂所有各大颁奖典礼做参考 包括以前万千星辉 金像 金钟 金马 oscar

但最sad系做完show漏了陪伴我作战嘅稿同notes…💔伤心到傻了

最感动嘅事系

有同事之前同我讲：哗 你啲懒音好劲

琴晚佢话：哗 你真系进步咗好多

真系忍唔住要喊😭

作为一个司仪真系想做到字正腔圆

但想讲俾大家听 其实改懒音就好似改唞气方式咁

你咁样唞气咗20几年 突然间大家话你咁唞气系错嘅要改 其实真系好难

仲要谂稿嘅同时 再谂埋点pronounce 系双倍嘅workload

但我真系改紧 应承你地会更好的

大家嘅评语不论好与否 都多谢每一位嘅你

每一个留言都令我进步

我好感激大家 好嘅留言 每一个都系好大嘅鼓舞

好感恩你地睇到我嘅好 你地令我相信自己都有点good enough

不过成长 就系要将本身嘅不足同唔擅长嘅变成comfort zone 所以多谢唔好嘅留言

我知道我真系未必系最靓最得人中意把声最好听

但我应承你地会努力逐样令自己更值得

每次都比你地见到有进步

我知道自己把声偏高 亦系我最大嘅concern

我事前彩排嘅时侯 系好刻意压低自己嘅声线

大家听到觉得好似好平 所以我tune返high小小

但我睇返playback都觉得要tune返低

辛苦大家了 唔好意思

另外 好想特别多谢 @jarvischow （周奕玮）佢知道我做司仪 同我讲咗好多个电话 每次都一两个钟 毫不保留教我 同帮我做心理辅导 佢亦启发咗我好多要点写点演绎 多谢你

亦都好想多谢 @mayannem （麦美恩）从港姐决赛到台庆

每次都令我大开眼界 原来做一个司仪要点

多谢你琴日红地毯前鼓励我 我会继续吸收同享受每一个舞台

多谢 @edmondhui （许文轩）辛苦为大家声音导航一整晚

好想对不起爸爸因为佢早几日生日 我因为闭关 净系同佢简单系屋企食咗个饭 love u

大家每次见亲我都好开心

但其实我今年比咗好大压力自己

有丝毫不足

都好对不起个机会同比机会我嘅人

但我明白成长 就系要将本身嘅不足同唔擅长嘅纳入comfort zone

但原来你改完上一样 下次更大嘅挑战都会再发现自己有咩不足

我唔会只沉醉于好评中 我更享受在负评中成长

所以请大家继续发掘我嘅不足

我准备好一一改善 多谢 感谢的人太多 下一篇再继续」