购物车
-
您的购物车内没有产品！
-
-
简
- EN
- 繁
- 简
杨茜尧为台庆剧《黑色月光》拍宣传片，尽显复仇女王气场｜林夏薇｜王浩信｜黄翠如｜杨卓娜
发布日期: 2024-10-16 | 懒人包
台庆剧《黑色月光》即将推出，女主角杨茜尧呢日一身高贵全黑晚礼服化身复仇女王现身拍摄宣传片，眼神举手头足都瞬间入戏，而拍摄场景中仲摆放咗同剧拍文件嘅造型照，茜尧亲自解构角色关系，仲话每个角色背后都有个故事，笑指好多人问佢点解啲相好似冇着衫，其实系刻意营造赤祼人性一面，故事好复杂，并唔系冇着衫咁简单。 茜尧相隔多年回巢拍剧，除咗同老拍档林夏薇、王浩信等合作外，佢话同亲家姐杨卓娜以及黄翠如剧中演三姊妹反而有意外火花，因为三人走在一起时好有真实感，自然流露出真挚嘅姊妹情，一定令观众会有好大共鸣感。 茜尧忙于宣传新剧，日前结婚8周年都差啲冇时间庆祝，好彩老公罗子溢够贴心，早已为呢个重要日子安排节目，两夫妻重临举行婚礼嘅地方庆祝，茜尧分享当时同老公对答，子溢千叮万嘱佢唔好甩底，茜尧甜笑表示唔敢，不过讲到老公送咗咩礼物时？佢就呈现乌鸦问号，相信只有两夫妻先知道。
