購物車
-
無結果!
-
-
繁
- EN
- 繁
- 简
娛樂新聞｜萬千星輝頒獎典禮男配競爭激烈，姜大偉謙稱陪跑 後輩壓力大｜姜大偉｜羅天宇｜何廣沛｜阮浩棕｜林景程｜陳曉華｜劉穎鏇｜郭柏妍｜楊卓娜
發佈日期: 2025-01-15 | 娛樂熱話
《萬千星輝頒獎典禮2024》將於1月19號喺澳門隆重舉行，而「最佳男、女配強」最後10強位位實力不容忽視，老中青三代同場競爭，激烈程度不亞於「最佳男、女主角」。 男配角名單中有姜大衞（John哥），呢位大前輩卻講到自己今次係陪跑，身邊幾位後輩何廣沛、羅天宇等即刻話唔係，廣沛仲話如果John哥話陪跑，咁佢應該要棄權。天宇話有投John哥一票，而廣沛同阮浩棕亦投咗John哥之外，仲有投蕭正楠一票。林景程對於有機會同John哥、阿蕭及袁偉豪競逐同一個獎，經已覺得好威！ 喺「最佳女配角」方面，楊卓娜就係大家公認嘅勁敵，所以陳曉華同劉穎鏇將戰場拉去「最佳衣著獎」，而大熱卓娜呢日眼腫腫現身記招，原來佢左眼受細菌感染而嚴重發炎，佢憶述受感染嘅情況。至於能否趕及頒獎禮前康復，佢就佛系面對。
