馬國明與湯洛雯遊日放閃馬明親吐生日願望會否生蛇B？

發佈日期: 2025-02-14 | 娛樂熱話

視帝馬國明（馬明）在本月13日生日，太太湯洛雯（靚湯）在社交網晒出二人甜蜜合照，原來他們去了日本旅行。相中可見，馬明與靚湯在鏡面的大波波自拍，兩公婆擺出甫士放閃，果然Sweet到爆。

靚湯發文：「生日快樂，我的親愛❤️」簡簡單單，也感受到二人的幸福之情。

談到靚湯有否準備生日驚嘉，馬明接受TVB.com訪問直言不需要，二人簡單度過已很足夠：「因為下個月我要開《新聞女王2》，所以趁有時間同太太去旅行放鬆下，我哋都係周圍行下，睇風景同博物館，已經好滿足。（太太有冇投訴你冇時間陪佢？）佢冇投訴，太太好好，好體諒。」

問到馬明有何生日願望，會否想生蛇B？他沒有正面回答：「每年願望都好簡單，希望身體健康，一家人平平安安，香港愈嚟愈好。」

原文刊登於 TVB.COM

購物車