潘靜文生日獲家人送歐洲車即刻「找數」接載聲夢好友遊車河！

發佈日期: 2025-03-05 | 娛樂熱話

潘靜文上月（2月25日）生日，日前佢喺社交網開心晒出一大堆慶生相，見佢獲得唔少好友為佢慶祝，仲豪食超過6個蛋糕！佢捧住蛋糕影相留念，完全掩蓋唔住幸福感，成個畫面都充滿歡樂氣氛。

其中一段許願片更成為焦點，片中見到一班親友紛紛舉起手機幫佢影相，畫面至少有7部手機對住佢，排場相當巴閉！另外，早前成功考獲車牌嘅潘靜文，竟然獲家人送上一部歐洲車作為生日禮物，實在太驚喜！佢受訪時亦興奮表示，最想接載嘅當然係聲夢家人，包括姚焯菲（Chantel）同林智樂（Felix）等。

講得出就即刻做到！話口未完，潘靜文已經「找數」，即刻載住Chantel同林智樂遊車河，更專程駛過青馬大橋！林智樂仲拍低潘靜文認真駕駛嘅畫面，而Chantel則對住鏡頭擺V手勢、揮手，玩得超開心，幾人全程笑聲不斷，氣氛輕鬆又愉快！

原文刊登於 TVB.COM

購物車