蕭正楠升級做新手爸爸，分享父子甜蜜時刻

發佈日期: 2025-04-08 | 娛樂熱話

蕭正楠同太太黃翠如上月迎來咗佢哋嘅小寶寶，二人榮升為新手爸媽。昨日（6日），蕭正楠喺社交網首晒父子相，分享咗湊BB嘅點滴。相中可見，雖然佢一臉倦容，但見到囝囝就笑到見牙唔見眼，真係一臉慈父樣。佢表示：「可能經常唔夠瞓，感覺有啲迷幻，有時忙完一輪，想坐低睇下，跟住就會有人將個喊緊嘅BB交畀我。」

佢仲提到，為咗照顧囝囝，已經要告別打機同睇動漫的生活：「已經升級做爸爸，能力愈大，責任愈大，打機睇動漫的日子越嚟越遠⋯⋯但見到小兒子，一切都值得。」一班圈中好友馬國明、陳自瑤、胡定欣同陳山聰等都留言大讚佢係好爸爸，並指這個畫面好溫馨，叫佢要好好享受呢段時間。

新手爸爸蕭正楠為咗迎接小生命，喺囝囝未出世前已經專登抽空上育嬰班，想分擔老婆湊BB嘅工作。佢曾分享上堂過程，包括幫BB沖涼、餵奶等手勢，仲笑言：「見習爸爸準備中，有咩錯漏請包涵。」總之有仔萬事足！

相片來源:IG@edwinsiu

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。

原文刊登於 TVB.COM

購物車