葉蒨文回顧港姐經歷 鼓勵女生勇敢追夢

TVB小花葉蒨文日前出席《2025香港小姐競選》記者會，呼籲全球合資格佳麗把握機會報名參選。

事後，葉蒨文在社交媒體上分享了多張個人照，並發文回想當年參選港姐的點滴：「當年我參選港姐係30強止步，雖然呢個選美比賽我無行到好遠，但係佢開拓咗我嘅演員同藝人之路，我因此開始踏上呢條人生越嚟越精彩嘅萬里路。」

她認為，人生的意義並非僅僅取決於一兩次的冠亞季軍，而是來自不同的體驗和成長：「唔單只係一、兩次嘅冠、亞、季軍，而係一啲不同嘅體驗同埋成長造就，呢啲精彩同豐富嘅經歷成就咗獨一無二嘅我，我亦係過程中搵到一份屬於自己對美同智慧嘅定義，喺呢條路上我成為一個越嚟越自信嘅女人。」

葉蒨文鼓勵女生不要想太多，想做就做：「人生其實唔係好長，經唔起太多的猶豫不決。要明白，你哋係善用呢個機會做你哋想做嘅嘢，而唔係上選美節目去俾人定義，追隨自己內心堅定嘅方向就可以啦。」

她自稱是快樂主義者，認為人生最重要的是活得爽：「可以做自己熱愛嘅工作，活得充滿熱誠，自由隨性就係過緊屬於我自己嘅完美人生，所以我都鼓勵大家日常中勇敢啲踏出自己嘅第一步，冇人知道你會唔會攞獎，冇人知道每條路會變成點、會行得幾遠，但我答應過自己一定會精彩！」

回望入行9年，葉蒨文認為一切都值得，並表示：「我係不被獎項、不被別人定義嘅葉蒨文Sophie 😎🤟🏻 繼續活着Viva！yeah~~」。

相片來源: IG@sophieysm

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。