譚輝智帶隊遊越南開海上音樂會　為Fans慶生送禮獲封「寵粉一哥」

發佈日期: 2026-04-08 | 娛樂熱話

譚輝智早前率領大班Fans遠赴越南旅遊勝地峴港，展開為期5日的愉快旅程。期間他搞搞新意思，首度挑戰喺海上舉行音樂會：一眾Fans坐在當地特色「筲箕船」上聽歌，場面既有趣又壯觀。

據TVB娛樂新聞台報道，完成表演後嘅譚輝智亦親自上船體驗，直言海上音樂會感覺新鮮；隨後更同船家大玩「手搖瘋狂咖啡杯」，投入程度好似大細路，親民魅力十足。

玩足一日之後，譚輝智與Fans一齊品嚐地道美食補充體力；席間更特意為壽星Fans慶祝生日，並送上小禮物。佢嘅細心舉動贏盡掌聲，亦因此被封為「寵粉一哥」。

對於呢個稱號，譚輝智就幽默回應：「有人同我爭咩？」其後他亦感性表示：「其實係佢哋錫我，呢兩年嘅活動佢哋都無條件參加，就算要排幾耐隊都願意，所以我一定要更加寵佢哋，先可以報答大家。」

相片來源: TVB娛樂新聞台

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。

原文刊登於 TVB.COM

購物車