呂慧儀晒「熊家寶寶」催淚合照！劉丹滕麗名合體網民敲碗求再合作

發佈日期: 2026-05-18 | 娛樂熱話

《愛‧回家之開心速遞》陪伴港人多年，如今亦即將步入尾聲。日前，一眾演員與觀眾都一樣依依不捨。

TVB娛樂新聞台消息：呂慧儀日前喺社交平台貼出一張與「爸爸」劉丹及「家姐」滕麗名的親密合照，並寫道：「相，我還有很多……」一句即刻觸動唔少劇迷淚腺。

相片中，劉丹坐喺正中間，左右「左擁右抱」，將戲中兩位「寶貝女兒」緊緊攬入懷中。大女熊尚善（滕麗名飾）由戲入面嘅腹黑毒舌形象抽離，靠在爸爸肩頭笑得十分溫柔；細妹熊若水（呂慧儀飾）則對住鏡頭擺出心形手勢，畫面溫馨之餘亦充滿熟悉嘅「熊家味道」。

唔少看住《開心速遞》長大嘅劇迷都表示「頂唔順」，紛紛留言抒發不捨，例如：「唔知自己要用幾耐先可以接受呢個事實」、「知唔知你哋已經完全成為我生命中嘅一部分」、「這是我整個青春」。亦有人相信「戲散情不散」，更指「愛回家永遠都係愛回家」。

同時，大家亦集體「敲碗」，希望原班人馬喺短期內再度合作，延續呢份長達多年的情懷。

相片來源: IG@konniecrab

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。

原文刊登於 TVB.COM

購物車