《飛常日誌II》劉穎鏇戴祖儀晒長腿搶鏡 郭柏妍機師造型獲封制服女

由陳耀全（Andy）監製、黃偉強編審的航空實感專業劇《飛常日誌II》，將於6月15日起逢星期一至五晚上八點半在翡翠台播映。主要演員包括馬國明、高海寧、劉穎鏇、周嘉洛、朱敏瀚、洪永城、郭柏妍、吳偉豪、戴祖儀、張馳豪、鍾柔美、徐榮等。

《飛常日誌》第一季播出時，劉穎鏇Tiffany及戴祖儀的空姐造型成為全城熱話；來到第二季，由於Tiffany飾演的高雅雯已升職做管理層，她當年掀起熱話的空姐Look好大機會成為絕響，變相今季「長腿空姐擔當」就落在以修長美腿見稱的戴祖儀身上。

根據官方公開的首輪宣傳劇照，雖然Tiffany已經轉走「甜美OL」造型路線，但因為大多數時間都係以短打上陣，所以在劇中依然有唔少晒美腿場口；而在12人大合照當中，坐正中間的Tiffany與戴祖儀都不約而同大晒修長美腿，戴祖儀更以黑絲造型現身，至於「宣傳限定」的劉穎鏇長腿靚相，同樣各有各美態，為劇集揭開完美序幕。至於同樣主打OL造型的仲有高海寧，相比起Tiffany的知性甜美，高Ling的打扮就偏向成熟穩重女強人風，跟她在劇中獨立幹練的人設非常脗合。

郭柏妍長褲機師Look狂吸好評，獲讚更突顯「九頭身」完美身段。上季因為「短打橫行」而被封為「腳柏妍」的郭柏妍（Rosita），今季因為「升呢」做女機師，所以會收起美腿，改為穿上長褲機師制服。雖然不再走短打少女路線，但網民依然相當受落，更大讚郭柏妍穿上長褲制服後，更能突顯她「九頭身」的完美身材比例：「腳柏妍就算著長褲，依然遮唔住嗰雙長腿嘅氣勢！」再加上她本身顏值高，除了被封為「新一代制服女神」，亦有網民大讚她「型格得嚟又有甜美感」。

至於今季「承繼」郭柏妍青春少女寶座的，就是鍾柔美（Yumi），她在劇中除了繼續以短打造型上陣，亦主攻甜美粉色系，同樣令人期待。

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。