黎燕珊《夫妻的博弈》再演貪錢阿媽！為禮金賴死唔走　被網民封「御用衰阿媽」

熱播中的《夫妻的博弈》，昨晚（26日）播出一集。雪文Sherman（郭柏妍飾）與繼威Mark（張頴康飾）終於拉埋天窗，但正當雪文以為可以迎接幸福人生時，親生阿媽沈淑冰（黎燕珊飾）竟無預警踩場，並在婚禮上展露「貪錢」本色，搞出一場鬧劇。

劇情講到雪文原本找了特約演員（沈可欣飾）假扮母親出席婚禮，未料淑冰突然當眾爆出自己才是真生母。雪文見狀震驚之餘，即時下逐客令要對方離開。

淑冰卻不肯走，反而反客為主，質疑女兒為何要找人假扮自己。雪文更一邊流淚一邊咆哮控訴：「你有咩資格做我阿媽？你記唔記得你要嫁去加拿大，就算見到我都唔會認我做女？你記唔記得呀！」

面對女兒指控，淑冰則辯稱當年老公有外遇，令她將情緒宣洩在女兒身上，又強調：「就算我幾唔好，都係生你出嚟嗰個！」因此她認為自己應該把關係修補回來，但雪文不理會。

雪文聽罷更崩潰大叫，直指對方就是在破壞自己生活，並要求她快點離開。爭執最後，淑冰終於攤牌貪錢真面目，指自己死闖婚禮的唯一目的就是為了錢：「我今日出嫁，我係咪好應該要有禮金？」她擺出極度「衰格」的姿態賴死不走，最終被人抬走離場，場面尷尬又肉酸。

其實早前在《正義女神》中，黎燕珊已演過貪錢又不理家庭的「衰阿媽」。今次在《夫妻的博弈》再度重演「衰格母親」，為了𢱑禮金甚至連面子都不要。她的精湛演技亦令網民看得咬牙切齒，紛紛笑指珊姐已成為TVB「御用衰阿媽」，亦有觀眾對Sherman的「綠茶」行為表示同情，留言認為雪文會變成這樣，背後「主因」其實在於阿媽的影響。

相片來源: 《夫妻的博弈》截圖

按此下載 TVBAnywhere+ APP，英國、澳洲及其他海外觀眾一APP睇哂TVB最新劇集、經典港劇、綜藝娛樂、香港新聞、娛樂消息。網頁版一樣可以線上收看。按此查看收費計劃，或者立即註冊收看免費內容。