異空感應｜彭翔翎表情生鬼喜感十足獲封「搞笑擔當」 曾兼職揸的士幫補追夢

近日熱播中的《異空感應》，題材以平行時空主線及奇幻元素備受網民喜愛，加上三位男、女主角陳家樂、陳曉華（Hera）及阮浩棕的顏值亦獲得高度評價，劇集被封為無綫近年難得一見的「高顏值港劇」。

除了劇中主角外，其他演員也不容忽視，當中演Hera妹妹「刑可茹」的彭翔翎在早前播出一集，她幫阮浩棕做Facial時，全程心心眼，表情生鬼搞笑。

之後，彭翔翎與家姐Hera在床上敷Mask Girls talk ，Hera問她為何突然想讀犯罪心理學，彭翔翎表現得戚，自豪地說：「因為有靚仔，唔單只同學靚仔，連教授都靚仔。」激到Hera無話可說。

當彭翔翎見到陳家樂的時候，不但目不轉睛望着對方，又大展冧爆樣，簡直被對方迷到「暈晒大浪」，場面搞笑，網民大讚翔翎表現不俗，好有喜劇感，絕對是劇中的「搞笑擔當」。

翔翎亦在社交平台晒出多張劇集花絮照，發文表示：「有家姐嘅感覺真好，嗰段時間真係好開心好充實，多咗個戲內戲外都會關心自己嘅人，如果有人問我拍劇遇到咩趣事，我一定會答依塊Mask。拍依場當日我地收尾，喺好趕急嘅情況下，一打開塊Mask發現除左好大塊之外，仲要乾哂😂😂😂最後都完成拍攝，難怪啲前輩成日話用時間 經歷令自己成長，當你經歷夠多嘅時候，就能夠處變不驚，演繹豐富。」可見她拍攝得十分開心。

她接受TVB.com訪問直言此劇是其最多對白的一套劇：「我主要場口都係圍繞住邢家，同曉華，龔姐，家輝哥合作比較多，大家真係好似一家人，所以同佢地合作有種幸福嘅感覺，好有愛。」

她指劇中角色充滿童真，看到靚仔就會心心眼十分興奮，惟現實中翔翎自言曾經也是「戀愛腦」：「因為我好重情，愛情亦影響我好深， 對我嚟講好重要，但不過人大咗經歷多咗慢慢就睇淡咗愛情，唔會再以愛情為先。」

在2017年參加藝訓班而入行的彭翔翎，演過不少劇集大多演閒角為主，其中在《迷網》及《踩過界II》中的突出表現加樣貌被指與林夏薇相似，引起關注！

而且，她在《直播靈接觸》做「紅衣女鬼」同樣引注目，即使全集一句對白都沒有，但翔翎還是會花心機去鑽研演繹方法，為的只是想有更好的效果。

面對收入不穩定的工作，翔翎為了增加收入支持自己追夢，更揸的士搵銀，她曾受訪表示「追夢是一件非常困難嘅事，首先你要維持到生活先。演員嘅身份，你唔會知道幾時有通告。如果你要喺出邊揾工有啲難度，因為你要畀更表人，無咩工作接受到你突然間請假，捱咗咁多年之後，的起心肝去揾一份可行嘅工作去兼顧。我又鍾意揸車，以前都有揸車，試下考的士牌，的士可以做工作又彈性啲，試咗之後OK，考的士牌都係為咗追夢。」